Vidar Austvik Flutist

Fløytist – fløyte flöjt flöte flute huilu флейта فلوت フルート长笛

Vidar Austvik har vore solofløytist i Stavanger symfoniorkester sidan 1984. Han har studert fløyte med Hans Stenseth (Bergen), Ørnulf Gulbransen og Per Øien (Oslo). Etter ein strålande debutkonsert i Universitetets Aula, Oslo i 1983 har Austvik vore svært aktiv som fløytesolist, kammermusikar, orkestermusikar, pedagog og administrator i snart 30 år. Han har konsertert verda rundt, gjeve meisterklassar og teke stor del i utviklinga av Stavanger symfoniorkester og Universitet i Stavanger, institutt for musikk og dans; med jobb både som musikar, pedagog og leiar for mange komitéar og utvalg. Tidlegare studentar av Austvik har fått fløytestillingar i orkester i Noreg og utlandet.
Austvik speler i dag på ei Powell trefløyte og ei Powell 19.5 k gullfløyte med eit J-R Lafin 22 k hovudstykke.
Innspelingar av Vidar Austvik, klikk her >>>

Adresse:
Vidar Austvik Musikk
Åmøylia 25
4154 Austre Åmøy
Norway
mobil: +47 920 62 420
Foretaksnummer: 884 790 212

Foto: www.eirikhalvorsen.com

Velkomen til heimesida mi
På desse sidene vil du finne mykje om livet mitt med fløytene mine. Eg har spela dette fantastiske instrumentet i over 40 år no. Her står om arbeidet mitt som solofløytist i Stavanger symfoniorkester og som pedagog ved Universitetet i Stavanger, og om virket mitt som solist og kammermusikar. Du finn repertoirelista mi, musikk eg har spela inn på iTunes, CD, radio eller TV. Her er òg musikkeksempel til avspeling i Mp3-format, solo med orkester og kammermusikk, m.a. opptak av fløytekonsert saman med Ørnulf Gulbransen, og ein liten videosnutt frå eit Tv-opptak med Fabio Biondi. Masse sjølvskryt høyrer med, så eg har med nokre kritikkar, omtale i Gramophone og artikkel i Flutetalk. Du finn mange bilete frå eit langt fløyteliv. Eg har lagt ut linkar om fløytestoff og det er ei engelsk oversetting av heile Web-sida. Fløyteklassen min i Stavanger. Studentar kan finne informasjon og hjelp her.
Web-sida mi er under stadig revisjon. Ta turen no og kom på vitjing av og til?
Vyrdsamt,
Vidar Austvik